Þekktu rauðu ljósin

29. nóv

Þekktu rauðu ljósin
Fréttatilkynning - - Lestrar 35

Soroptimistaklúbbur Húsavíkur og nágrennis efnir til ljósagöngu mánudaginn 2. desember kl 17.00 frá Húsavíkurkirkju.

Tilefnið er árlegt 16 daga átak Soroptimistahreyfingarinnar gegn ofbeldi. Átakið nefnist Þekktu rauðu ljósin.

Gangan hefst við Húsavíkurkirkju. Lagt verður af stað frá kirkjunni kl.17.00 og gengið upp í Skrúðgarð í miðbæ Húsavíkur, þar sem kakó og piparkökur verða í boði í og við Kvíabekk.

Þar mun Silja Rún Reynisdóttir, lögreglukona, flytja erindi sem tengist málefni átaksins sem er ad vinna gegn ofbeldi og þekkja birtingarmyndir þess. Að þessu sinni er kastljósinu beint að birtingarmyndum stafræns ofbeldis og hvernig verjast má því.

Hvetjum við öll sem láta sig þetta málefni varða að mæta í Ljósagönguna. Einkennislitur átaksins er appelsínugulur.

aðsent Skannaðu QR kóðann

,,Soroptimistar á Húsavík og í nágrenni vilja einnig þakka öllum þeim sem studdu þetta átak með því að kaupa blóm. Ágóði af þeirri sölu mun renna til stofnana sem styðja við þolendur ofbeldis.

Hjálplegar vefsíður:

Neyðarlínan – 112 aðstoðar í neyð, segðu frá, ofbeldi er alls konar

Samtök um kvennaathvarf – Kvennaathvarfið

Bjarmahlíð miðstöð fyrir þolendur ofbeldis – Ráðgjöf – Stuðningur – Fræðsla (bjarmahlid.is)

aflidak.is – Samtök fyrir þolendur kynferðislegs ofbeldis og/eða heimilisofbeldis.

« Til baka