Tap fyrir Keflavík

Anita Lind kom gestunum á bragðið.

Völsungur lék gegn Keflavík í undanúrslitum C-deildar kvenna í Lengjubikarnum um helgina.

Leikið var á Húsavík og það er skemmst frá því að segja að gestirnir fóru með sigur af hólmi.

Anita Lind Daníelsdóttir og Sveindís Jane Jónsdóttir skoruðu mörk Keflavíkurliðsins og lokastaðan 0-2. 

Anita Lind fyrirliði Keflavíkur kom þeim á bragðið með marki í fyrri hálfleik.

Sveindís Jane Jónsdóttir skoraði seinna mark Keflavíkur.

Hafrún Olgeirsdóttir í baráttu við Keflavíkurstúlkur.