Skora á yfirvöld að endurskoða fyrirætlanir um auknar skattheimtur

Aðalfundur Ferðamálasamtaka Norðurlands eystra, haldin á Hótel KEA á Akureyri 19. nóvember 2009, skorar á yfirvöld að endurskoða fyrirætlanir sínar um auknar skattheimtur á íslenska ferðaþjónustu.

Ferðaþjónustan á undir högg að sækja á alþjóða vettvangi vegna efnahagsástands í heiminum og ferðalög hafa dregist saman.  Á sama tíma er Ísland  orðið samkeppnishæft í ljósi stöðu íslensku krónunnar.  Við þessar aðstæður skýtur skökku við að ríkisstjórn Íslands leggi hömlur á atvinnugreinina með stóraukinni skattheimtu.