Skólahald í Borgarhólsskóla fellur niður vegna smita

Á heimasíðu skólans segir að smitrakning standi yfir og staðan verði endurmetin á þriðjudag. 

Fyrr í dag var tilkynnt að mötuneyti skólans verði lokað vegna sóttkvíar til og með næstkomandi miðvikudags. Tekin verður ákvörðun um opnun eftir sýnatöku á miðvikudag. 

Þá verður Frístund einnig lokuð til og með fimmtudags. Þegar niðurstöður úr sýnatöku liggja fyrir á fimmtudag verður tekin ákvörðun um opnun á föstudag.

Skólahald í Tónlistarskóla Húsavíkur fellur einnig niður mánudag og þriðjudag. Staðan verður endurmetin á þriðjudaginn og ákvörðun um framhaldið tekin í samráði við skólastjórnendur Borgarhólsskóla.