Skipakomum fjölgar á ný

Flutningaskip losar við Bökugarð.

Gaumur, sjálfbærniverkefnið á Norðurlandi eystra, fylgist með komum skipa til Húsavíkurhafnar.

Fylgst er sérstaklega með kom-um farþegaskipa og flutninga-skipa.

Skipakomum fækkaði umtalsvert þegar heimsfaraldurinn COVID-19 skall á en það ár komu til að mynda engin farþegaskip til Húsavíkurhafnar og komur flutningaskipa voru álíka margar og í aðdraganda uppbyggingar Þeistareykjavirkjunar.

Á árinu 2022 eru komur farþegaskipa orðnar eins og best var fyrir heimsfaraldurinn og hafa aðeins einu sinni verið fleiri.

Komur flutningaskipa voru umfram það sem var á háönn byggingatíma og hafa aldrei verið fleiri en á árinu 2022.

Flutningaskipin voru alls 77 og farþegaskipin 36 eða rúmlega tvö skip á viku að meðaltali yfir árið.

Sjá nánar um skipakomur hér