Setja upp söngleikinn Grease í Samkomuhúsinu

Katla Marín og Valur Snær sem Sandy og Danny.

Nemendur 10. bekkjar Borgarhólsskóla æfa þessa dagana söngleikinn Grease undir leikstjórn Karenar Erludóttur.

Að sögn Karenar ganga æfingar vel og fumsýnt verður í Samkomuhúsinu föstudaginn 6. maí kl. 18.

"Það að setja upp söngleik er alltaf meira batterí heldur en "venjuleg" sýning þar sem ofan á leikæfingarnar bætast við svo margar söng- og dansæfingar" segir Karen en  krakkarnir vildu samt óhikað ráðast í þetta verkefni enda völdu þau leikritið sjálf.

"Margir eru að stíga ótrulega langt út fyrir þægindarammann, þá sérstaklega þegar kemur að söng og dans en þau gera það öll með glæsibrag!

Það hefur krafist mikillar vinnu en þau hafa líka sinnt henni með bros á vör og stutt hvert annað þegar óöryggið bankar uppá og er virkilega fallegt að fylgjast með þeim.

Þetta er mjög líflegur og kraftmikill hópur og var ég því aldrei í efa um að Grease væri verkefni sem þau gætu tæklað" sagði Karen í gærkveldi þegar ljósmyndari 640.is myndaði rennsli hjá krökkunum.

Með því að smella á myndirnar er hægt að fletta þeim og skoða í hærri upplausn.

Katla Marín Þorkelsdóttir og Valur Snær Guðmundsson fara með hlutverk Sandy og Danny í söngleiknum Grease.