Sálubót og Jónsi með tónleika á sumardaginn fyrsta.

Söngfélagið Sálubót fagnar sumarkomu á sumardaginn fyrsta, þann 24. apríl, með tvennum tónleikum ásamt stórsöngvaranum Jónsa (Jóni Jósep Snæbjörnssyni) Tónleikarnir verða í Ýdölum kl 14:00 og í Glerárkirkju kl. 20:30  en forsala asðgöngumiða er hafin í síma 860-1959 

  Starfið hefur verið með óvenjulegu sniði hjá Söngfélaginu Sálubót á þessum vetri. Í byrjun aðventu kom kórinn fram á Jólatónleikum með Sinfóníuhljómsveit Norðurlands og stórsöngvaranum Garðari Thor Cortes, og nú er komið að öðrum stórsöngvara og hjartaknúsara, Jóni Jósep, en hann var jafnan í sveit í heimahreppi Sálubótar, Þingeyjarsveit á unglingsárum sínum.

  Stjórnandi Söngfélagsins Sálubótar er Jaan Alavere. Hann hefur stjórnað kórum undanfarinn  áratug. M.a. í tilefni af því hefur verið ákveðið að líta bæði til baka og fram á við í enfisvali, og því eru á  söngskránni lög frá ýmsum löndum og ýmsum tímum, sem sum hver hafa áður verið á söngskránni. Jaan hefur verið duglegur að útsetja og semja ný lög fyrir kórinn og nokkur þeirra verða flutt við þetta tækifæri. Eins er líklegt að fleiri einsöngvarar en Jónsi komi við sögu.     

Tónleikarnir verða sem fyrr segir á Sumardaginn fyrsta, 24.apríl, þeir fyrri kl. 14:00 í félagsheimilinu Ýdölum í Aðaldal, og þeir seinni kl. 20:30 í Glerárkirkju á Akureyri.

Miðasala  er við innganginn, miðaverðið er kr. 2000.-