Sæþór með þrennu í fyrsta leik tímabilsins

Völsungar unnu stórsigur á Aftureldingu í fyrsta leik sínum á Íslandsmótinu í 2. deild sem fram fór á Húsavík í dag.

Leikið var á gervigrasvellinum og komst Afturelding strax yfir á fyrstu mínútu en þar var að verki Fernando Garcia Castellanos. 

En fall er fararheill og Völsungur svaraði með þremur mörkum í hálfleik og staðan 3-1. Mörkin gerðu Sæþór Olgeirsson sem jafnaði leikinn á tíundu mínútu, Ásgeir Kristjánsson kom þeim grænu yfir á ´32 og Elvar Baldvinsson jók forystuna tveimur mínútum síðar.

Í síðari hálfleik fékk Völsungur tvær vítaspyrnur sem Sæþór Olgeirsson skoraði úr. Sú fyrri kom á 60 mínútu og fékk Sigursteinn Sævar Hermannsson, leikmaður Aftureldingar, rautt spjald fyrir brot innan vítateigs.

Sú síðari kom tæpum stundarfjórðungi fyrir leikslok eftir að brotið var á Bjarka Baldvinssyni fyrirliða Völsungs innan teigs. 

Lokatölur urðu 5-1 fyrir Völsung sem mætir Magna á heimavelli nk. föstudag en Magni sigraði KV 3-1 í vesturbæ Reykjavíkur.

Hér má lesa leikskýrslu leiksins í dag

Hér eru myndir úr leiknum og með því að smella á þær er hægt að fletta þeim og skoða í stærri upplausn.

Eyþór Traustason geysist upp hægri kantinn..

Bjarki fyrirliði í kröppum dansi við Arnór Breka Ásþórsson.

Freyþór Harðarson lætur finna fyrir sér í vítateig andstæðinganna.

Elvar Baldvinsson skallar boltann áfram eftir hornspyrnu á Sæþór sem lúrði við fjærstöngina og jafnaði leikinn.

Og því ber að sjálfsögðu að fagna.

Elvar í baráttu innan teigs en náði skoti sem fór í þverslánna og inn og Völsungar komnir með forystu.

Elvar og Ásgeir Kristjánsson fagna markinu.

Leikmenn Aftureldingar höfðu einhverjar athugasemdir við markið.

Geirlaugur Árni Kristjánsson skýtur að marki.

Guðmundur Óli Steingrímsson horfir á eftir boltanum að marki en yfir fór hann.

Ásgeir Kristjánsson sækir að marki í síðari hálfleik.

Völsungar eiga hornspyrnu og Bergur Jónmundsson og Magnús Már Einarsson klárir við nærstöngina.

Upp úr hornspyrnunni var dæmd vítaspyrna sem Sæþór skoraði örugglega úr.

Brotið á Bjarka innan teigs og dæmd vítaspyrna.

Og Sæþór fullkomnar hér þrennuna sína.

Og grænir fagna.

Bjarki í baráttu við Mosfellinga.

Arnþór Hermannsson kom inn á í síðari hálfleik og sækir hér að marki gestanna.

Alexander Gunnar Jónasson markvörður Völsungs.