PCC BakkiSilicon og Völsungur í samstarf

Í fréttatilkynningu segir að í samkomulaginu felist meðal annars að knattspyrnu-völlurinn og íþróttahöllin á Húsavík munu bera nafn PCC en Völsungur leggja áherslu á að virkja starfsfólk PCC og börn þeirra til íþróttaiðkunar.

 

Sérstök áhersla verður lögð á íþróttaiðkun barna af erlendum uppruna.

 

Jónas Halldór Friðriksson, framkvæmdastjóri Völsungs:

 

,,Það er gríðarleg ánægja innan Völsungs með samstarfið og að PCC komi af fullu afli að starfi Völsungs. Þess má geta að allar deildir félagsins munu njóta góðs af þessu samstarfi.”

 

Rúnar Sigurpálsson, forstjóri PCC BakkiSilicon:

 

,,Það var alltaf markmiðið hjá PCC BakkiSilicon að koma meira að samfélagsmálum þegar rekstur fyrirtækisins væri kominn á rétt ról. Það ríkir því mikil ánægja hér innandyra að geta komið að því öfluga starfi sem unnið er innan Völsungs á þennan hátt.“

 

Á meðfylgjandi mynd handsala Rúnar Sigurpálsson forstjóri PCC BakkaSilicon og Jónas Halldóir Friðriksson framkvæmdastjóri Völsungs samninginn.