Parhús risið við Melgötu í Ljósavatnsskarði

Parhúsið risið. Lj. Þingeyjarsveit.is

Eflaust hafa einhverjir sem hafa átt leið um Ljósavatnsskarð í vikunni að risið er parhús við Melgötu við Stórutjarnir.

Byrjað var að reisa húsið sl. mánudag en um er að ræða parhús sem Leiguíbúðir Þingeyjarsveitar hses. eru að láta byggja við Melgötu 6.

Á vef sveitarfélagsins segir að framkvæmdir gangi heldur betur vel, húsið er risið og verið er að ljúka við frágangsvinnu að utan. Reiknað er með að þeirri vinnu ljúki í næstu viku og þá verður hægt að hefjast handa innan dyra.

Faktabygg Ísland ehf. sér um framkvæmdina og um er að ræða tilbúnar timbureiningar innfluttar frá Noregi. Þá hefur veðrið verið hagstætt við reisingu hússins en það er ekki sjálfsagt á þessum árstíma.

Byggingarfulltrúi og sveitarstjóri litu við í vikunnu og fengu góðar móttökur framkvæmdaaðila og voru embættismenn sveitarfélagsins að vonum ánægðir með verkið.

Fleiri myndir má skoða á vef Þingeyjarsveitar