Örnefni um landið

Stofnun Árna Magnússonar í íslenskum fræðum, Menningarráð Eyþings og Urðarbrunnur (félag sem Hið þingeyska fornleifafélag, Þingeyskur sagnagarður og

Örnefni um landið
Aðsent efni - - Lestrar 67

Stofnun Árna Magnússonar í íslenskum fræðum, Menningarráð Eyþings og Urðarbrunnur (félag sem Hið þingeyska fornleifafélag, Þingeyskur sagnagarður og Fornleifaskóli barnanna standa að) gangast fyrir fundi um örnefni og örnefnasöfnun á Norðurlandi eystra miðvikudaginn 23. september, kl. 20.30 í Litlulaugaskóla í Reykjadal, Þingeyjarsýslu.

 

Á fundinum mun Svavar Sigmundsson stofustjóri Örnefnasafns stofnunarinnar m.a. fjalla um mikilvægi örnefnasöfnunar, til hvers örnefnum hefur verið safnað, hver hefur haft örnefnasöfnun á hendi til þessa og hvernig staðið hefur verið að söfnun. Þá fer hann yfir stöðu þessara mála á Norðurlandi eystra. Svavar ræðir síðan um hvernig hægt er að koma örnefnum á framfæri við almenning og reynir að svara því hvernig eigi að varðveita örnefni sem best til framtíðar í heimi mikilla breytinga á atvinnuháttum og hugsunarhætti í þjóðfélaginu og hver eigi að kosta þá varðveislu. Fyrirspurnir og umræður að loknu erindi.

Ókeypis er á fundinn. Allir velkomnir.

 


  • Herna

640.is | Ábyrgðarmaður Hafþór Hreiðarsson | vefstjori@640.is | Sími: 895-6744