Nýtt netapótek Lyfjavers bylting í lyfsölu fyrir alla landsmenn

27. okt

Nýtt netapótek Lyfjavers bylting í lyfsölu fyrir alla landsmenn
Fréttatilkynning - - Lestrar 230

Lyfjaver hefur undanfarin 20 ár verið leiðandi í lágu lyfjaverði og hefur nú opnað nútímalegt netapótek með lyfseðilsskyld lyf, lausasölulyf og aðrar hefðbundnar vörur apóteksins.

Nú hafa allir landsmenn greiðan aðgang að lágu lyfjaverði heima í stofu.

Netapótek Lyfjavers mun bæta mjög aðgengi að kostnaðarupplýsingum einstaklinga í flóknu umhverfi þar sem læknir ákveður hvaða lyf á að nota og þriðji aðili, Sjúkratryggingar, taka þátt í kostnaði eftir flóknum reglum. Reynslan er sú að einstaklingar eiga mjög erfitt með að skilja hvernig lyfjaverð er reiknað út. Netapótek Lyfjavers einfaldar það.

Vefverslun með lyf er því allt annað en hefðbundin vefverslun sem viðskiptavinur vafrar um og velur vöru og greiðir fyrir. Í tilfelli lyfseðilsskyldra lyfja þarf að tengja saman þrjá ofangreinda aðila: lækninn, viðskiptavininn og Sjúkratryggingar og koma upp framsetningu á mannamáli fyrir viðskiptavininn þannig að hægt sé að bera saman verð og greiðsluþátttöku með gagnrýnum hætti.

Aukin samkeppni frá lágvöruverðsapóteki á landsbyggðinni

Með netapóteki Lyfjavers er því aðgangur opnaður að lausn þar sem einstaklingurinn sjálfur getur unnið með sína lyfseðla, skoðað valmöguleika á samheitalyfjum og metið kostnað. Þannig gerir það honum kleift að undirbúa lyfjakaup sín betur, í síbreytilegu umhverfi, áður en komið er í apótekið eða lyfin send til hans án ónauðsynlegrar snertingar.

Viðskiptavinurinn getur sparað umtalsverðar fjárhæðir þar sem val á ódýrasta samheitalyfi er auðveldað og biðtími styttist í apóteki. Viðskiptavinurinn er í raun kominn með apótekið heim til sín hvar sem hann er staddur á landinu og fær m.a. lyf sem þurfa kælingu, afgreidd með kælisendingu. Með netapóteki Lyfjavers er komin aukin verðsamkeppni með lyf og apóteksvörur fyrir íbúa landsbyggðarinnar.

Eitt tæknivæddasta apótek í Evrópu

Nú hefur háþróað netapótek Lyfjavers bæst í röð brautryðjandi verkefna frá stofnun fyrirtækisins 1998. Lyfjaver hefur verið brautryðjandi tölvustýrðrar lyfjaskömmtunar (vélskömmtunar) frá 1999, sem er mun öruggari en hefðbundin lyfjaskömmtun.

Þá opnaði Lyfjaver eitt tæknivæddasta apótek Evrópu í janúar 2008 og er Lyfjaver eina apótekið á Íslandi sem notar nýjustu vélmennatækni við lagerhald og afgreiðslu lyfja. Tæknivæðing Lyfjavers hefur hjálpað fyrirtækinu að bjóða hagstætt lyfjaverð í bland við góða

og örugga þjónustu en Lyfjaver kemur iðulega vel út úr verðkönnunum.

„Við sjáum mikla aukningu á umferð á vefsíðunni sem kom strax þegar við opnuðum fyrir netapótekið. Það hefur svo haldist mjög góð umferð á síðuna og augljóst að fólk er að prófa sig áfram. Það skiptir mjög miklu máli að geta pantað heima og fá sent við þær aðstæður sem nú ríkja í samfélaginu. Okkur sýnist líka að undirtektirnar á landsbyggðinni séu frábærar en þar eykur netapótekið verðsamkeppni,“ segir Hákon Steinsson, framkvæmdastjóri Lyfjavers.

Um Lyfjaver:

Hjá Lyfjaveri starfa um 60 manns. Auk apóteksins á Suðurlandsbraut 22 í Reykjavík rekur Lyfjaver Heilsuver sem staðsett er við hliðina á apótekinu og heildverslun sem selur lyf til aðila sem heimild hafa til að kaupa lyf í heildsölu.

Nýtt netapótek Lyfjavers mun bæta kostnaðarvitund og aðgengi að lyfjum á landsvísu
Einstaklingar geta unnið með eigin lyfseðla og skoðað ódýrari samheitalyf
Nákvæmar upplýsingar um lyfjaverð með greiðsluþátttöku og afslætti og

þrepastöðu hjá Sjúkratryggingum
Viðskiptavinurinn fær apótekið heim til sín en mikil eftirspurn er eftir snertilausum

viðskiptum vegna COVID-19 heimsfaraldursins
Lyfjaver er brautryðjandi í tækni með vélmenni, vélskömmtun og netapóteki
Heimsending léttir þeim lífið sem komast ekki frá heimili sínu