Nýr frisbígolfvöllur á Raufarhöfn

Kjartan Páll, Birna, Nanna Steina og Olga

Ungmennafélagið Austri setti á nýliðnu ári upp níu holu frisbígolfvöll á Raufarhöfn.

Völlurinn var fjármagnaður af Austra, með styrk frá Norðurþingi, Mennta og menningarmála ráðuneyti og Pokasjóði.

Völlurinn er að hluta til í brekkunni bakvið félagheimilið Hnitbjörg og svo að stærstum hluta á jafnsléttu í svokallaðri Ásgötumýri.
Völlurinn er hannaður með það að leiðarljósi að hann henti sem flestum bæði nýgræðingum sem og þeim sem lengra eru komnir.

Þetta kemur fram á heimasíðu Norðurþings en Kjartan Páll Þórarinsson íþrótta- og tómstundafulltrúi sveitarfélagsins kíkti í heimsókn á þangað dögunum.

Kjartan Páll fékk að gjöf frisbídisk merktan Ungmennafélaginu Austra, en þess má geta að diskarnir eru til sölu í Ráðhúsinu á Raufarhöfn.

Völlurinn fellur vel inní umhverfið á Raufarhöfn og er spilun á vellinum góður göngutúr um bæinn.

"Fullt tilefni til að hrósa forsvarsmönnum Austra fyrir framtakið við sem eru óþrjótandi við að byggja upp fjölbreytta aðstöðu afþreyingu í bænum fyrir unga sem aldna" segir á heimasíðu Norðurþings.

Á meðfylgjandi mynd sem fengin er af heimasíðunni tekur Kjartan Páll við disknum úr hendi Birnu Björnsdóttur og með þeim eru Nanna Steina Höskuldsdóttir og Olga Friðriksdóttir.