Nýr forstöðumaður ráðinn til Húsavíkurstofu

Björgvin Ingi Pétursson.

Stjórn Húsavíkurstofu hefur undirritað ráðningarsamning við nýjan forstöðumann, hann Björgvin Inga Pétursson. 

Björgvin starfaði hjá Geosea, sá þar um samfélagsmiðla ásamt ýmsu öðru og kemur til Húsavíkurstofu frá Gamla Bauk þar sem hann hefur í sumar starfað sem veitinga-stjóri.

Hans bakgrunnur er fjölbreyttur og var hann verslunarstjóri í einni fiskverslun Hafsins og vann hjá Hafinu í sex ár. Þar sá hann um allt sem sneri að rekstri búðarinnar, markaðssetningu og gekk það vel. 

Hann er með master í markaðfræðum ofan á viðskiptafræði í grunninn. Björgvin á líka fortíð í tónlistarheiminum og var meðlimur í hljómsveitinni Jakobínurínu. Með þeim túraði hann víðsvegar um Evrópu eftir að hafa unnið Músíktilraunir. 

Í náminu tók hann skiptinám erlendis í nokkra mánuði og sá þá t.d. um samfélagsmiðla fyrir fyrirtæki á borð við Lindex og Victorias secret. 

Skrifstofa nýs forstöðumanns er á 2. hæð að Garðarsbraut 5 öllum ávallt velkomið að kíkja í kaffi.