Mynd dagsins - Varðskipið Þór við Lundey

Mynd dagsins var tekin út á Tjörnesi síðdegis í dag og sýnir varðskipið Þór við Lundey.

Áhöfnin á varðskipinu og starfsmenn Vegagerðarinnar sigla þessa dagana meðfram ströndum landsins vegna eftirlits á ljósvitum, skerjavitum, sjómerkjum og ljósduflum sem ekki er hægt að komast í frá landi. 

Í dag var skipið á Skjálfanda en þar má m.a finna vitana í Flatey, Lundey og Háey sem falla undir þann flokk.

Með því að smella á myndin er hægt að skoða hana í hærri upplausn.

Varðskipið Þór við Lundey í dag.