Mynd dagsins - Þökulagning á aðventu

Þökulagning á aðventunni.

Mynd dagsins var tekin í desembersólinni í dag þegar Guðmundur Salómonsson húsasmíðameistari lauk við að leggja þökur á lóð hússins sem hann er að byggja við Laugarbrekku.

Ekki hefðbundið aðventuverk það en Fanney Óskarsdóttir vann verkið með manni sínum og Benedikt Björnsson skrúðgarðyrkjumeistari fylgdist með allt væri gert upp á tíu.

Þökurnar komu frá Húsabakka í Aðaldal.

Með því að smella á myndina er hægt að skoða hana í hærri upplausn.