Mynd dagsins - Sr. Sighvatur kvaddi söfnuðinn

Sr. Sighvatur kvaddi söfnuðinn í dag.

Mynd dagsins var tekin í Húsavíkurkirkju í dag þegar Sr. Sighvatur Karlsson kvaddi söfnuðinn í kveðjumessu.

Kirkjukórinn söng við messuna og um undirleik sá Judit György.

Sr. Sighvatur fór yfir ferilinn á léttum nótum en hann kom hingað til starfa árið 1986. Hann lét af störfum haustið 2020 eftir að hafa verið í ársleyfi.

Í lok messu voru Sr. Sighvatur og Judit leyst út með gjöfum frá sóknarnefnd .

Þá flutti Sr. Jón Ármann Gíslason ávarp og þakkaði sr. Sighvati þjónustuna og vináttuna í gegnum árin og færði honum kveðjugjöf.

Að lokinni messu var boðið upp á messukaffi í Bjarnahúsi.

Með því að smella á myndina má skoða hana í hærri upplausn.