Mynd dagsins - Pétur og Páll

Páll A. Pálsson og Pétur Jónasson.

Mynd dagsins var tekin á ljósmyndasýningu Péturs Jónassonar í Safnahúsinu á Húsavík.

Eins og áður hefur komið fram á síðunni er Pétur, sem fagnaði áttræðisafmæli sínu þann 23. ágúst sl. með sýningu í tilefni þess að hann var valinn Listamaður Norðurþings árið 2020.

Myndin sýnir Pétur og Pál A. Pálsson ljósmyndara á Akureyri en Páll nam ljósmyndun hjá Pétri á árunum 1963 til 1966. Reyndar sá eini sem það hefur gert.

Palli ljósmyndari, eins og hann er jafnan kallaður, opnaði sína eigin stofu, Ljósmyndastofu Páls, á Akureyri þann 3. júní árið 1967.

Báðir eru þeir enn að störfum og ófáir Norðlendingarnir sem þeir hafa myndað í gegnum tíðina.

Með því að smella á myndina af Pétri og Páli er hægt að skoða hana í hærri upplausn.