Mynd dagsins - Maraþonhlaup um götur Húsavíkur

Heiðar Hrafn Halldórsson hleypur maraþon í kvöld.

Mynd dagsins var tekin upp úr kl. 18:00 í dag og sýnir Heiðar Hrafn Halldórsson á hlaupum suður Stangarbakkann.

Á fésbókarsíðu Hlaupahópsins Skokka segir að hinn brosmildi og glaðlyndi bóndasonur af Nesinu ætli að hlaupa sitt sólómaraþon (42,2 km.) um götur Húsavíkur.

Hann hóf hlaupið frá Sundlaug Húsavíkur kl. 18:00 og stefnir að því að ljúka því á sama stað um kl. 21:30 .

Á síðunni segir einnig að hann þoli vel hvatningu sveitunga sinna meðan á hlaupinu stendur en á myndinni eru nokkrir félagar hans úr Skokka sem hlupu með honum fyrsta spölinn.

Heiðar Hrafn hleypur hér brosandi suður Stangarbakkann í síðdegissólinni.

Með því að smella á myndina er hægt að skoða hana í hærri upplausn.