Mynd dagsins - Í rammaðri sýn

Listaverk móður náttúru í rammaðri sýn.

Mynd dagsins var tekin í við úti-listarverkið á Þeistareykjum en það ber nafnið Römmuð sýn.

Af vef Landsvirkjunar: Landsvirkjun hefur ætíð látið vinna listaverk í tengslum við byggingu helstu mannvirkja sinna.

Haustið 2018 var efnt til hugmyndasamkeppni um listaverk í nágrenni við jarðvarmastöðina að Þeistareykjum.

Jón Grétar Ólafsson arkitekt hlaut fyrstu verðlaun. Dómnefnd sagði að tillaga hans, Römmuð sýn , væri kröftug og djörf og vekti athygli á Þeistareykjum sem áningarstað.

„Í verkinu er landslagið hafið upp og rammað inn á skemmtilegan hátt. Verkið býr yfir aðdráttarafli og vekur forvitni þeirra sem leið eiga um svæðið. Upplýsingar um nærumhverfið auka á upplifun verksins,“ sagði dómnefndin.  

Einn af fjórum römmum listaverksins en í gegnum þá má njóta listaverka móður náttúru í Rammaðri sýn.

Með því að smella á myndina er hægt að skoða hana í hærri upplausn.