Lára Björg ráðin í stöðu félagsmálastjóra Norðurþings

Lára Björg Friðriksdóttir.

Lára Björg Friðriksdóttir hefur verið ráðin í stöðu félagsmálastjóra Norðurþings.

Lára lauk meistaranámi í félagsráðgjöf til starfsréttinda frá Háskóla Íslands árið 2018.

Hún hefur starfað hjá Norðurþingi undanfarin ár sem yfirfélagsráðgjafi í félagsþjónustu.

Áður starfaði hún við aðhlynningu aldraðra, sem stuðningsfulltrúi á heimili fyrir fjölfatlaða fullorðna einstaklinga, í starfsnámi hjá félagsþjónustu Akureyrarbæjar með BA námi og í starfsþjálfun í meistaranámi hjá barnavernd Eyjafjarðar.

Fram kemur í tilkynningu að Lára muni hefja störf sem félagsmálastjóri strax á nýju ári.