Kristján Ingi fulltrúi Íslands á Norðurlandamótinu í skólaskák

Kristján Ingi Smárason.

Helgina 14-18. febrúar fer fram Norðurlandamótið í skólaskák í Borgarnesi.

Kristján Ingi Smárason nemandi í Borgarhólsskóla hefur verið valinn sem annar af tveimur fulltrúum Íslands í flokki 10 ára og yngri.

Þar mun hann etja kappi við bestu skákmenn frá hinum Norðurlöndunum í hans aldursflokki og verður afar spennandi að fylgjast með gangi hans á mótinu. Fyrirfram er Kristján metinn sjötti sterkasti í sínum flokki samkvæmt skákstigum af 12 keppendum.

Kristján Ingi Smárason er, svo best er vitað, fyrsti Þingeyski skákmaðurinn til að taka þátt í Norðurlandamótinu í skólaskák og má búast við frekari afrekum hjá honum á skáksviðinu í framtíðinni./H.A

Kristján Ingi Smárason við taflborðið í morgun.