Kaupfélag Skagfirðinga kaupir Kjarnafæði Norðlenska hf.

Hlut­haf­ar í Kjarna­fæði Norðlenska hf. hafa samþykkt til­boð Kaup­fé­lags Skag­f­irðinga um kaup á allt að 100% hluta­fjár í Kjarna­fæði Norðlenska hf.

Þetta kem­ur fram í til­kynn­ingu frá Kjarna­fæði Norðlenska hf.

Hlut­haf­ar Bú­sæld­ar ehf., fé­lags bænda sem er eig­andi rúm­lega 43% hluta­fjár, munu ákveða hver fyr­ir sig hvort þeir selji sína hluti en Eiður Gunn­laugs­son, eig­andi rúm­lega 28% hluta­fjár, og Hreinn Gunn­laugs­son, eig­andi rúm­lega 28% hluta­fjár, munu selja allt sitt hluta­fé.

Mark­miðið að auka hag­kvæmni

Í til­kynn­ing­unni seg­ir að meg­in­mark­mið viðskipt­anna sé að auka hag­kvæmni, lækka kostnað við slátrun og úr­vinnslu kjötaf­urða og auka þannig skil­virkni og sam­keppn­is­hæfni inn­lendr­ar mat­væla­fram­leiðslu bænd­um og neyt­end­um til hags­bóta.

Kjarna­fæði Norðlenska hf. og for­ver­ar þess eru gam­al­gró­in fyr­ir­tæki í slátrun og vinnslu kjötaf­urða á norður- og aust­ur­landi. Í dag rek­ur fé­lagið slát­ur­hús og kjötvinnslu­stöðvar á Húsa­vík, Sval­b­arðseyri, Ak­ur­eyri og Blönduósi. Kaup­fé­lag Skag­f­irðinga er í sams­kon­ar starf­semi á Sauðár­króki, Hvammstanga, Reykja­vík og Hellu.

Viðskipt­in eru mögu­leg vegna nýrra laga sem heim­ila fram­leiðenda­fé­lög­um að sam­ein­ast og hafa með sér verka­skipt­ingu.

Rök­rétt fram­hald af laga­breyt­ing­um

Marg­ir bænd­ur hafa kallað eft­ir frek­ari hagræðingu í grein­inni eft­ir en mögu­leg sam­legðaráhrif Kaup­fé­lag Skag­f­irðinga og Kjarna­fæði Norðlenska við slátrun og úr­vinnslu kjötaf­urða eru lík­lega þau mestu í ís­lensk­um land­búnaði og viðskipt­in því eðli­legt fram­hald laga­setn­ing­ar­inn­ar. Það verður því í hönd­um þess­ara tveggja fé­laga bænda að vinna úr þeim ef viðskipt­in verða að veru­leika, seg­ir í til­kynn­ing­unni.

„Í kjöl­far ný­legra breyt­inga á lög­um hef­ur kjöt­grein­um á Íslandi verið gert mögu­legt að hagræða á sama hátt og þekk­ist í öðrum lönd­um. Þessi viðskipti eru rök­rétt fram­hald af þess­um breyt­ing­um og lík­leg til að auka hag­sæld bænda og neyt­enda enda er verið að bæta sam­keppn­is­hæfni inn­lendr­ar fram­leiðslu með því að gera veru­lega hagræðingu mögu­lega,“ er haft eft­ir Ágústi Torfa Hauks­syni, for­stjóra Kjarna­fæðis Norðlenska, í til­kynn­ing­unni.

„Nú er það verk­efni starfs­fólks fé­lag­anna að raun­gera þessa hagræðing­ar­mögu­leika ís­lensk­um land­búnaði og neyt­end­um til heilla,“ er haft eft­ir hon­um að lok­um. (mbl.is)