Jólastemming þegar ljósin voru tendruð á jólatrénu

Gengið í kringum jólatréð.

Það var blíðskaparveður síðdeg­is í gær þegar Hús­vík­ing­ar komu sam­an til að tendra ljós­in á jóla­tré bæj­ar­ins.

Jólatréð í ár, sem þykir einstaklega fallegt og skartar nýrri LRD jólaljósaseríu, kom úr garðinum hjá Sigurði Þórarinssyni og Hafdísi Jósteinsdóttur að Túngötu 1.

Athöfnin var venjubundin, þrjár ung­ar stúlk­ur sungu nokk­ur jóla­lög og séra Sig­hvat­ur Karls­son flutti stutta hug­vekju. Kristján Þór Magnús­son, sveit­ar­stjóri Norðurþings, ávarpaði viðstadda og Soroptim­ista­kon­ur seldu kakó og klein­ur.

Nokkr­ir jóla­svein­ar komu til byggða af þessu til­efni með epli handa ungviðinu auk þess sem þeir sungu jóla­lög og dönsuðu í kring­um jóla­tréð með bæj­ar­bú­um.

Hér koma myndir frá gærdeginum og að venju er hægt að smella á þær, fletta þeim og skoða í stærri upplausn.

Þessa mynd tók ljósmyndari 640.is síðdegis í dag.