Hvatningarverðlaun Völsungs fyrir árið 2020

Íþróttafólk Völsungs fór að þessu sinni fram með breyttu sniði í skugga sóttvarnarreglna.

Á viðburðnum eru veitt hvatning-arverðlaun en deildir félagsins geta tilnefnt einstaklinga í þeim efnum.

Hvatningarverðlaun eru veitt þeim einstaklingum sem eru fyrirmyndir innan sem utan vallar, góða ástundun og fyrirmynd fyrir aðra iðkendur félagsins.

Að þessu sinni bárúst tilnefningar frá knattspyrnudeild og blakdeild.

Hvatningarverðlaun fyrir knattspyrnu hlutu Tryggvi Grani Jóhannsson og Sjöfn Hulda Jónsdóttir.

Hvatningarverðlaun fyrir blak hlutu Aron Bjarki Kristjánsson og Lilja Mist Birkisdóttir.

Meðfylgjandi eru umsagnir um þessa glæsilegu Völsunga:

Tryggvi Grani Jóhannsson

Tryggvi er fæddur 2004 og hefur stundað knattspyrnu frá unga aldri í fámennum íþróttaárgangi á Húsavík. Hann á mikið hrós skilið fyrir að halda alltaf áfram og stunda íþróttaiðkun sína af miklum krafti þrátt fyrir fámenni í sínum árgangi . Hann er metnaðarfullur leikmaður sem er tilbúin að leggja aukalega á sig til að hámarka getu sína inni á vellinum. Það verður gaman að fylgjast með framgöngu Tryggva á knattspyrnuvellinum í framtíðinni.

Sjöfn Hulda Jónsdóttir

Sjöfn Hulda er leikmaður sem hefur tekið miklum framförum og er þar helst að þakka eigin ákveðni og hugarfari. Sjöfn sinnir íþróttinni af kappi, leggur sig 100% fram sama hvort um er að ræða æfingu eða keppni. Hún vill læra og hana langar að verða betri. Það hugarfar geislar af henni og er hún leikmaður sem samherjar og fleiri ættu að líta upp til. Söfn Hulda er því vel af því komin að fá hvatningarverðlaunin.

Aron Bjarki Kristjánsson

Aron hefur verið einstaklega duglegur að æfa sem hefur skilað honum miklum og örum framförum. Á síðasta tímabili var hann lykilmaður í ungu og efnilegu liði völsunga sem unnu til verðlauna á bæði Íslands- og bikarmóti. Aron er hógvær og hæfileikaríkur sem mætir á hverja æfingu til að gera sitt besta.

Lilja Mist Birkisdóttir

Lilja Mist er í hópi margra efnilegra stúlkna sem nú skipa 4.flokk Völsungs í blaki. Hún er einstaklega dugleg að æfa og kemur alltaf til að gera sitt besta, áhauginn er mikill og skín af henni vilji og dugnaður sem sem smitar út frá sér til liðfélga, hún hefur tekið mjög miklum framförum í haust og verður virkilega spennandi að fylgjast með henni blómstra í blakinu í framtíðinn ásamt þeima vaska hópi efnilegra stúlkna sem skipa 4.flokk kvennna.