Húsavíkurkirkja þarfnast viðgerða

Húsavíkurkirkja og Bjarnahús í dag.

Fram kemur í Morgunblaðinu í dag að Húsa­vík­ur­kirkja, sem vígð var árið 1907, sé mikið skemmd og þarfn­ist mik­ill­ar viðgerðar.

Ljóst er að til þess þarf mjög mikið fjár­magn og nú velt­ir sókn­ar­nefnd­in vöng­um yfir því hvernig eigi að út­vega fé til kirkj­unn­ar. Það á einnig við um Bjarna­hús sem nú er safnaðar­heim­ili.

Mik­ill fúi er í turni kirkj­unn­ar og á fleiri stöðum. All­ir þver­bitarn­ir utan á turni kirkj­unn­ar eru orðnir fún­ir, marg­ir skrautlist­ar eru illa farn­ir af fúa, all­ir kross­arn­ir fjór­ir utan á kirkj­unni eru ónýt­ir og einn þeirra er búið að taka niður til þess að smíða eft­ir hon­um.

Hinir þrír gætu ef til vill dottið niður í vondu veðri þar sem þeir eru illa farn­ir, seg­ir Guðberg­ur Rafn Ægis­son kirkju­vörður í Morg­un­blaðinu í dag.

Meðfylgjandi myndir voru teknar í dag og með því að smella á þær er hægt að fletta þeim og skoða í hærri upplausn.