Hugmynd að dagskrá fyrir fund í sveitarstjórn

Sigurjón Benediktsson.

Fundur í sveitarstjórn Norðurþings xx.mánuður 2022.

DAGSKRÁ

1.Tillaga um vettvangsferð fulltrúa vegna skipulags og vinnustaða innan sveitarfélagsins

2. Staða atvinnumála innan sveitarfélagsins Fulltrúar atvinnugreina og eða fyrirtækja koma á fundinn Fulltrúar félaga og stofnana koma á fundinn Heimsókn í fyrirtæki og stofnanir Fulltrúar svæða Norðurþings koma á fundinn

3. Sameiginleg tillaga allra fulltrúa í sveitarstjórn Lagt er til að sótt verði um undanþágu frá lögum um fjölda sveitarstjórnarfulltrúa þannig að sveitarfélaginu verði heimilt að fækka bæjarfulltrúum í fimm. Jafnframt verði sveitarráð lagt niður og fimm manna sveitarstjórn yfirtaki allar skyldur og réttindi núverandi sveitarráðs. Nánari útfærsla verði sett upp i samráði við ráðuneyti sveitarstjórnarmála og löglærða ráðgjafa sveitarstjórnar.

4. Tillaga til sveitarstjórnar Sveitarstjórn samþykkir að fækka ruslasvæðum innan sveitarfélagsins skipulega og í fullu samráði við hagsmunaaðila.

5. Sveitarstjórn samþykkir a gengið skuli til samninga við flugfélagið Erni um flugsæti fyrir íbúa sveitarfélagsins til að efla viðskipti við flugfélagið og auðvelda íbúum aðgengi að þjónustu höfuðborgarinnar, og flugvalla þar og ferja til og frá landinu.

6. Sveitarstjórn samþykkir að öll viðskipti um byggingarefni og tæki og tól til viðhalds eigna og nýframkvæmda sveitarfélagsins skuli fara um verslun í heimabyggð, sé þess nokkur kostur

7. Sveitarstjórn fer fram á nákvæman útreikning á kolefnisspori sveitarfélagsins og svo tillögum hvernig megi lágmarka skaða þess spors.

8. Sveitarstjórn samþykkir að öll viðskipti sveitarfélagsins skuli fyrst og fremst fara i gegnum félög og fyrirtæki innan sveitarfélagsins

9. Hvar er torg Norðurþings? Hugmyndasamkeppni um möguleika og skipulag til torgmyndunar innan þéttbýlisins á Húsavík.

10. Sveitarstjórn óskar eftir yfirliti frá heilbrigðisfulltrúa um stöðu mengunarmála í sveitarfélaginu

11. Sveitarstjórn Norðurþings mun veita þeim stofnunum og félögum innan sveitarfélagsins sem helst örva sjálfstæða hugsun að mati sveitarstjórnar, í stað hjarðhugsunar, eina milljón króna í styrk á hverju ári næstu fjögur ár.

12. Leita skal ráðgjafar til dæmis hjá Tjörneshreppi hvernig lækka megi skuldir sveitarfélagsins 13. Sé erindum vísað til embættismanna sveitarfélagsins skal halda yfir þau erindi sérstaka skrá og ber sveitarstjórn að fylgjast með framgangi slíkra erinda sem og fullnustu þeirra.

14. Önnur mál.

Sigurjón Benediktsson Kaldbak.