Heiltónn - Skora á sveitarfélögin að ganga til samninga við tónlistarkennara

Stjórn Heiltóns- hollvinasamtaka Tónlistarskóla Húsavíkur hafa sent frá sér ályktun þar sem skorað er á sveitarfélögin að ganga til samninga við tónlistarkennara um sömu laun og aðrir leik- og grunnskólakennarar hafa.

Ályktunin er eftirfarandi: Heiltónn styður heilshugar kjarabaráttu tónlistarkennara. Allir kennarar hafa miklu ábyrgðarhlutverki að gegna. Tónlistarkennsla er kennsla í listgrein sem elur af sér menntaða þjóð í tónlist. Samfélag okkar væri lítils virði án lista, þar með talið tónlistar.

Við skorum á sveitarfélögin að ganga til samninga við tónlistarkennara um sömu laun og aðrir leik- og grunnskólakennarar hafa.