Gunnar Sverrir Gunnarsson er nýr framkvæmdastjóri COWI á Íslandi

Gunnar Sverrir Gunnarsson hefur tekið við stöðu framkvæmdastjóra COWI á Íslandi. Hann hefur starfað sem staðgengill framkvæmdastjóra síðastliðna þrjá mánuði. 

„Gunnar Sverrir Gunnarsson hefur yfirgripsmikla reynslu og þekkingu á íslenskum markaði og hefur gegnt lykilhlutverki í sameiningu Mannvits og COWI. Á undanförnum árum hefur hann sýnt framúrskarandi leiðtogahæfileika og byggt upp traust sambönd við viðskiptavini okkar. Ég er sannfærður um að hann muni leiða COWI á Íslandi til áframhaldandi vaxtar og velgengni,“ segir Michael Bindseil, framkvæmdastjóri hjá COWI.

Gunnar Sverrir er með bakgrunn í véla- og iðnaðarverkfræði og hefur starfað hjá Mannviti frá árinu 1998, fyrir sameiningu þess við COWI árið 2023. Síðan þá hefur hann gegnt ýmsum lykilstöðum, meðal annars stöðu sviðsstjóra orku og setið í framkvæmdastjórn.  

„Ég er mjög spenntur að taka þessari áskorun. Hjá COWI leggjum við mikla áherslu á að skilja þarfir viðskiptavina og náið samstarf við skrifstofur okkar um allan heim. Við, ásamt viðskiptavinum okkar og samstarfsaðilum á Íslandi, getum nýtt okkur sérfræðiþekkingu COWI en þar starfa yfir 7.500 sérfræðingar.” segir Gunnar Sverrir.

Alþjóðlegt fyrirtæki með sterka stöðu á Íslandi

COWI á Íslandi hefur unnið að fjölda mikilvægra verkefna líkt og Hellisheiðarvirkjun, Hvammsvirkjun og gagnaveri Verne í Reykjanesbæ. Þessi verðmæta sérþekking nýtist COWI einnig á alþjóðlegum markaði.

„COWI á Íslandi býr yfir öflugri sérfræðiþekkingu á sviði vatnsafls og jarðvarma og við erum fús til að nýta þá sérþekkingu víða erlendis til að aðstoða samfélög í átt að sjálfbærari framtíð. Einnig munu viðskiptavinir okkar á Íslandi njóta góðs af sérfræðiþekkingu COWI á sviði innviða, sjálfbærrar orku, bygginga og iðnaðar,“ segir Michael Bindseil, framkvæmdastjóri hjá COWI.

Gunnar Sverrir leggur áherslu á að tryggja stöðu COWI á íslenskum markaði samhliða þátttöku í stórum alþjóðlegum verkefnum:

„COWI hefur skýra sýn þegar kemur að þörfum viðskiptavina og gæði verkefna. Það er einstakt að vera hluti af leiðandi alþjóðlegu fyrirtæki sem á í nánu samstarfi á milli landa, samhliða því sem við styrkjum stöðu okkar með því fjölga sérfræðingum hér á landi og eflum um leið verðmæta sérþekkingu.“

Um COWI 

COWI er alþjóðlegt ráðgjafarfyrirtæki með höfuðstöðvar í Danmörku. Mannvit sameinaðist COWI árið 2023 sem þýðir að COWI á Íslandi getur boðið íslenskum viðskiptavinum sínum aukna þjónustu og sérfræðiþekkingu til að vinna verkefni frá frumhugmynd til verkloka. Sérfræðingar COWI telja um 7.500 aðila að meðtöldum 260 einstaklingum á Íslandi og nær þjónustusviðið yfir verkfræði, arkitektúr, orku og umhverfismál. Við vinnum að um 10.000 verkefnum að staðaldri í 35 löndum víða um heim, má þar nefna í  Skandinavíu, í Bretlandi, Asíu og Norður Ameríku. Í samvinnu við viðskiptavini, vinnum við að því að móta þjónustu og lausnir á sviði sjálfbærni sem bæta lífsgæði fólks og komandi kynslóða – www.cowi.com.