Glæsilegur árangur hjá stelpunum

Völsungar fagna góðum árangri.

Völsungur var þegar búið að tryggja sér Íslandsmeistaratitilinn í 2. deild kvenna þegar stelpurnar fengu lið Leiknis R í heimsókn í dag.

Stelpurnar voru taplausar í deildinni fyrir leikinn og vildu að sjálgsögðu halda því þannig og enda tímabilið með stæl.

Og það gerðu þær því Krista Eik Harðardóttir kom Völsungum á bragðið snemma leiks og Elfa Mjöll Jónsdóttir tvöfaldaði forystuna um miðbik fyrri hálfleiks. Dagbjört Ingvarsdóttir batt svo endahnútinn á þetta með glæsilegu marki rétt fyrir lok fyrri hálfleiks.

Og þar við sat því ekkert var skorað í síðari hálfleik. Völsungur vann sannfærandi 3-0 sigur og fór taplaust í gegnum 2. deildina,endaði í efsta sæti deildarinnar með 34 stig. Grótta varð í 2. sæti með 23 stig og fylgir Völsungum upp í Inkassodeildina.

Frábær árangur hjá stelpunum og mikilvægur í sögu Völsungs en þetta er í fyrsta skipti sem kvennalið félagsins fer upp um deild í knattspyrnu. 

Mikil gleðistund þegar Harpa Ásgeirsdóttir tók við bikarnum, til hamingju stelpur, John og Völsungar allir.

Liðin leiddu ungar Völsungsstelpur inn á völlinn fyrir leik.

Krista Eik Harðardóttir kom Völsungum á bragðið.

Elfa Mjöll Jónsdóttir tvöfaldaði forystuna.

Dagbjört Ingvarsdóttir skorar hér þriðja markið með hörkuskoti úr teignum.

Stelpurnar fagna og þjálfarinn stendur stoltur hjá.

Inkasso 2020.

Íslandsmeistaralið Völsungs í 2. deild ásamt þjálfara sínum John Henry Andrews.

Með því að smella á myndirnar er hægt að fletta þeim og skoða í hærri upplausn.