Fuglaskoðunarskýli komið fyrir við Skoruvík

Fuglaskoðunarskýlið komið niður á malarpúða.

Í dag var fuglaskoðunarskýli sett niður á Skoruvíkurbjargi á Langanesi.

Það eru Langanesbyggð og félagið Fuglastígur á Norðurausturlandi sem standa að verkefninu.

Stór hluti fjármögnunar kemur frá Framkvæmdasjóði ferðamannastaða samkvæmt samningi þar um. Skýlið er eitt af nokkrum fuglaskýlum sem byggð hafa verið og komið fyrir á stöðum á Norðausturlandi þar sem má komast í návígi við fugla.

Með tilkomu þessa skýlis batnar aðstaða fólks til að fylgjast með fuglalífi á þessum áhugaverða stað sem Langanesið og Fontur sannarlega eru.

Það var Trésmiðjan Rein ehf sem smíðaði fuglaskoðunarskýlið og flutti það á sinn stað.

Meðfylgjandi mynd tók Þorri Friðriksson. Fleiri myndir er hægt að skoða á heimasíðu Langanesbyggðar en þaðan er þessi frétt fengin.