Fréttatilkynning frá Hollvinasamtökum Húsavíkurkirkju

Húsavíkurkirkja og Bjarnahús.

Á safnaðarfundi Húsavíkurkirkju sem haldinn var 7. mars sl. var samþykkt að stofna Hollvina-samtök Húsavíkurkirkju sem hafa það að meginmarkmiði að safna fé til viðhalds og viðgerðar á kirkjunni og safnaðarheimilinu Bjarnahúsi. 

Kirkjan þarfnast nú verulegra endurbóta á turni, áætlaður kostnaður er um 10 milljónir króna. Fleiri nauðsynlegar viðgerðir eru yfirvofandi og hleypur því heildarkostnaður fyrirhugaðra framkvæmda á tugum milljóna.

Húsavíkurkirkja var reist á árunum 1906 – 1907 eftir teikningu Rögnvaldar Ólafssonar.

Húsavíkurkirkja er ein fallegasta byggingin á Húsavík og sannkallað staðartákn bæjarins. Hún gegnir einnig sínu hlutverki í trúar- og tónlistarlífi bæjarbúa. 

Hafir þú áhuga á að gerast aðili að Hollvinasamtökum Húsavíkurkirkju hvetjum við þig til þess að hafa samband við einhvern af stjórnarmönnum hollvinasamtakanna.

Frjálst framlag til þessa verkefnis er ávallt vel þegið, óháð skráningu í Hollvinasamtökin.

Við minnum á nýlega stofnaðan söfnunarreikning Hollvinasamtakanna hjá Landsbankanum, númer 0133-15-000602 og kt.: 640169-5919. 

Sé óskað frekari upplýsinga vinsamlegast hafðu þá samband við einhvern í stjórn samtakanna en hana skipa:

Heiðar Hrafn Halldórsson, sími: 866-7100, netfang: hezman10@gmail.com

Jóna Matthíasdóttir, sími: 866-1848, netfang: jonamatta@gmail.com

Sólveig Mikaelsdóttir, sími: 895-0466, netfang: solveigmikaels@gmail.com

Í varastjórn eru Dóra Ármannsdóttir Húsavík og Guðmundur Bjarnason Reykjavík