Framsýn og Ernir framlengja samning um flugmiðakaup

Framsýn hefur endurnýjað samning við Flugfélagið Erni um kaup á flugmiðum fyrir félagsmenn.

Í tilkynningu segir að flugmiðaviðskiptin hljóði upp á kr. 9.000.000,- sem gera 600 flugmiða. Vegna mikilla kostnaðar- og eldsneytishækkana í heiminum síðustu mánuði hækka miðarnir frá flugfélaginu úr kr. 12.000,- í kr. 15.000,- og hefur nýja verðið þegar tekið gildi.

Miðarnir verða áfram seldir til félagsmanna á kostnaðarverði.