Framkvæmdir við Öxarfjarðarskóla

Undanfarið hafa staðið yfir framkvæmdir umhverfis Öxarfjarðarskóla.

Fram kemur á Fésbókarsíðu Norðurþings að búið sé að fjarlægja gróður austan skólahússins og stækka bílaplan starfsfólks.

Þá voru breikkaðar axlir á heimreið til að móta göngustíg fyrir nemendur á leið í íþróttahúsið í Lundi sem er vestan þjóðvegar 85. Nú er beðið eftir verktaka til að leggja slitlag á þessa fleti og er miðað við að því verði lokið áður en skólahald hefst í haust.

Þessar framkvæmdir eru liður í að auka öryggi nemenda á og við skólalóðina í Öxarfjarðarskóla.