Fjölskylduhátíð við sundlaugina á LaugumAlmennt - - Lestrar 141
Rennibrautarfjáröflunarfjölskylduhátíð!
Við, Hár-Ellý (nýstúdent og 40 ára) og Sigurgeir á Völlum (70 ára), höfum tekið höndum saman um að halda saman upp á útskriftina og samtals 110 ára afmæli okkar með glæsilegri fjölskylduhátíð við Sundlaugina á Laugum á uppstigningardag, fimmtudaginn 21. maí 2009 milli kl. 15-17.
Hoppukastalar í boði Garðars Héðinssonar í Laxárvirkjun
Uppboð í umsjón Stefáns í Hólkoti
Grillaðar pylsur, drykkir og nammi
Við frábiðjum okkur gjafir til okkar persónulega en á staðnum verður söfnunarbaukur fyrir sjóð þann sem ætlað er að renna til fjármögnunar á rennibraut fyrir sundlaugina. Einnig má leggja beint inn á reikning söfnunarinnar í Sparisjóði Suður-Þingeyinga: 1110-05-402638, kt.: 040269-4609.
Fjáröflun dagsins verður annars þannig að selt verður sérstaklega í laugina og hoppukastalana – eitt verð fyrir barn = 500 kr. (gildir bæði í hopp og sund) og 1.000 kr. í sund fyrir fullorðna. Allur aðgangseyrir rennur óskiptur í rennibrautarsjóðinn en Þingeyjarsveit leggur til aðganginn að sundlauginni án endurgjalds þennan dag.
Allir velkomnir
Þingeyingar – koma svo!
Hlökkum til að sjá ykkur,
Ellý og Sigurgeir