Fjögur ungmenni fengu Hvatningarverðlaun Völsungs

Magnús Atli, Davíð Leó, Katla María og Halla Bríet

Á samkomu Völsungs í gær þar sem heiðrun íþróttafólks ársins 2022 fór fram var einnig fjórum ungmennum veitt Hvatingarverðlaun félagsins.

Hvatningarverðlaunin eru veitt þeim iðkendum 15 ára og yngri sem hafa staðið sig vel í starfi félagsins á einn eða annan hátt, hvort heldur sem inni á vellinum, á æfingum eða í almennu starfi félagsins. 

Tilnefningar bárust frá blak- og knattspyrnudeild Völsungs.

Eftirtaldir Völsungar hlutu hvatningarverðlaunin að þessu sinni:

• Davíð Leó Lund fyrir knattspyrnu.
• Halla Bríet Kristjánsdóttir fyrir knattspyrnu.
• Katla María Guðnadóttir fyrir blak.
• Magnús Atli Fannarsson fyrir blak.

Það verður gaman að fylgjast með þessu unga og efnilega íþróttafólki á komandi árum en með því að smella á myndirnar er hægt að fletta þeim og skoða í hærri upplausn.

Davíð Leó Lund.

Halla Bríet Kristjánsdóttir.

Magnús Atli Fannarsson.

Katla María Guðnadóttir.