Ekkert verður flogið milli Amsterdam og Akureyrar í vetur

Ekkert verður af fyrirhuguðum flugferðum hollensku ferðaskrifstofunnar Voigt Travel í vetur. 

Í tilkynningu frá Markaðsstofu Norðurlands segir að áætlaðar hefðu 10 flugferðir frá Amsterdam til Akureyrar í febrúar og mars 2021, en vegna heimsfaraldurs Covid-19 munu þær falla niður.

Nýgengi smita í Hollandi og víðar á meginlandi Evrópu er enn mjög hátt og miklar takmarkanir á ferðalögum fólks. Voigt Travel mun þess í stað einbeita sér að sölu ferða næsta sumar, en stefnt er að vikulegum flugferðum frá 7. júní til loka ágúst.

Jafnframt eru áform um flugferðir næsta vetur, frá febrúar 2022.