Draga tökur stórra kvikmynda og þátta að sér erlenda ferðamenn?

Á heimasíðu Þekkingarnets Þingeyinga segir að í júlímánuði standi yfir rannsóknarvinna í verkefni sem hlaut styrk úr Nýsköpunarsjóði námsmanna, þar sem verið er að leggja viðhorfskönnun fyrir erlenda ferðamenn.

Sumarstarfsmaður Þekkingarnetsins, Zakaria Soualem (Zakki) sem stundar nám í umhverfis- og byggingarverkfræði við Háskóla Íslands vinnur að rannsókninni sem snýr meðal annars að því að varpa ljósi á áhrif sviðsmynda kvikmynda og þátta á heimsóknir ferðamanna.

Húsavík og Mývatnssveit eru meðal þeirra staða sem hafa verið notaðir sem tökustaðir alþjóðlegra kvikmynda og þátta, t.d. James Bond, Game of Thrones, Eurovision song contest.  Zakki mun á næstunni safna viðmælendum úr hópi erlendra ferðamanna sem notuð verða til rannsóknarinnar.