Arna Védís í U19 úrtakshópi í blaki

Arna Védís í leik með Völsungi.

Arna Védís Bjarnadóttir leikmaður Völsungs hefur verið valin í úrtakshóp U19 í blaki.

Aðalþjálfari liðsins, Emil Gunnarsson og þjálfarateymi hans validi úrtakshóp til æfinga á dögunum. Um er að ræða nokkuð stóran hóp leikmanna fædda árið 2000 og síðar.

Liðið fer til Cherkasy í Úkraínu þann 10. janúar og kemur heim 14. janúar en mótherjar Íslands í þessu móti eru Svíþjóð, Kýpur og Úkraína. (volsungur.is)