Anna Gunnarsdóttir nýr þjónustufulltrúi Norðurþings

Anna Gunnarsdóttir.

Anna Gunnarsdóttir hefur verið ráðin í starf þjónustu-fulltrúa hjá Norðurþingi.

Anna er með stúdentspróf frá Menntaskólanum á Akureyri og BA próf í þjóðfræði frá Háskóla Íslands.

Hún hefur starfað sem safnvörður, upplýsingafulltrúi, verslunarstjóri, rekstrarstjóri og nú síðast sem leiðbeinandi á leikskóla.

Anna hefur því fjölbreytta og víðtæka reynslu af ýmsum störfum sem mun koma til með að nýtast henni í starfi þjónustufulltrúa.

Frá þessu segir í tilkynningu frá Norðurþingi þar sem Anna er boðin velkomin til starfa.