Andri Birgisson nýr deildarstjóri frístundar og félagsmiðstöðvar á Húsavík

Andri Birgisson.

Andri Birgisson hefur verið ráðinn í starf deildarstjóra frístundar Borgarhólsskóla og félagsmiðstöðvar á Húsavík.

Frá þessu segir á heimasíðu Norðurþings en  Andri mun flytja aftur á æskuslóðir og hefja störf um miðjan ágúst.

Andri útskrifaðist með BS gráðu í ferðamálafræði og sagnfræði frá Háskóla Íslands.

Hann hefur víðtæka starfsreynslu og starfaði m.a. sem umsjónarmaður hjá frístundaheimilinu Frostaskjól í 6 ár.

Einnig hefur hann starfað hjá Húsavíkurstofu og komið að skipulagningu Mærudaga.