Áki skoraði tvö mörk í sigri Völsungs

Áki Sölvason skoraði tvö mörk gegn ÍR.

Völsungur fékk ÍR úr Breiðholtinu í heimsókn á PCC völlinn í gær og eftir lélega stigasöfnun síðust leiki var mikilvægt að komast aftur á sigurbraut.

Það voru þó gestirnir sem skoruðu fyrst eftir rúmlega korters leik en Ólafur Jóhann Steingrímsson jafnaði leikinn þegar tæplega hálftími var liðinn.

Áki Sölvason kom Völsungum yfir nokkrum mínútum síðar og staðan 2-1 í hálfleik.

Áki bætti svo við öðru marki sínu snemma í síðari hálfleik og 3-1 varð lokastaðan.

Glæsilegur heimasigur og Völsungur í 4. sæti 2. deildar með 17 stig eftir níu umferðir.

Ólafur Jóhann í þann mund að jafna leikinn.

Áki Sölvason horfir á eftir boltanum í net andstæðingana og Völsungur kominn yfir.