92 fyrirtæki framúrskarandi á Norðurlandi -Þrettán fyrirtæki koma ný inn á lista Creditinfo

Níu fyrirtæki á Norðurlandi hafa verið á listanum á hverju ári síðan hann kom fyrst út árið 2010 en það eru þau Trétak, Kælismiðjan, Sætak, Dekkjahöllin, Rafeyri, Fóðurverksmiðjan Laxá, Trésmiðjan Rein, Garðræktarfélag Reykhverfinga og Steinull. 

Þrettán fyrirtæki á Norðurlandi koma ný inn á listann í ár; Finnur, BB Byggingar, Vökvaþjónusta Kópaskers, Klemenz Jónsson, HeiðGuðByggir, Ekill, Alkemia, Marúlfur, Vinnuvélar Reynis B. Ingólfssonar, Ekja, Stóru-Tjarnir, K-Tak og Þ-Hansen. 

Þess má geta að Drangsnes er með óvenju hátt hlutfall framúrskarandi fyrirtækja en 17% fyrirtækja sem eiga ársreikning fyrir 2021 uppfylla kröfur Creditinfo, eða 2 af 12 fyrirtækjum. Það er hækkun frá því í fyrra en þá var hlutfallið 11%. 

Nánar um Framúrskarandi fyrirtæki:

Þetta er í þrettánda sinn sem Creditinfo veitir framúrskarandi fyrirtækjum í íslensku atvinnulífi vottun fyrir góðan og traustan rekstur en listinn í ár var gerður opinber á viðburði í Hörpu í gær. Alls hafa 1.881 fyrirtæki einhvern tímann komist á listann en aðeins 54 þeirra hafa hlotið nafnbótina öll árin. Þegar Creditinfo metur hvort fyrirtæki teljist framúrskarandi er m.a. horft til þess hvort ársreikningi hafi verið skilað á réttum tíma, og þegar litið sé til síðustu þriggja ára sé rekstrarhagnaður, ársniðurstaðan jákvæð, rekstrartekjur að lágmarki 50 millj. kr. og eiginfjárhlutfall a.m.k. 20%. Um 39 þúsund fyrirtæki skila ársreikningi en þegar litið er til allra annarra skilyrða sem fyrirtæki þurfa að uppfylla, þá teljast aðeins um 2% fyrirtækja framúrskarandi.