Tómas Veigar héraðsmeistari HSÞ í skák

Rúnar, Tómas og Smári. Ljósmynd H.A

Hið árlega héraðsmót HSÞ í skák fór fram á Húsavík í dag.

Alls tóku 15 keppendur þátt í mótinu frá 4 þjóðlöndum og má því segja að mótið hafi verið alþjóðlegt, þar sem þrír Pólverjar, einn Þjóðverji og einn Frakki auk heimanna, tóku þátt í mótinu.

Mótið var nokkuð jafnt og ekki munaði nema 4 vinningum á efsta sætinu og því neðsta.

Tómas Veigar Sigurðsson varð efstu í mótinu með 6 vinninga af 7 mögulegum og varði því titilinn frá fyrra ári. Rúnar Ísleifsson, Smári Sigurðsson og Hjörleifur Halldórsson urðu jafnir að vinningum í 2-4. sæti með 5 vinninga hver, en Rúnar hlaut 2. sætið og Smári það þriðja á stigum.

Kristján Ingi Smárason 9 ára stóð sig vel og fékk 3 vinninga í mótinu og var óheppinn með að fá ekki fleiri, þar sem hann var með unnið gegn Hermanni og Sigurbirni á tímabili. Ljóst er að mikið efni er þar á ferð.

Kristján Ingi og Sigurbjörn. Ljósmynd Hermann Aðalsteinsson.

Mis Aleksandra frá Póllandi var eina konan sem tók þátt í mótinu og náði hún í 4 vinninga sem dugði í 8. sætið á mótinu. Hún var ein af erlendu keppendunum sem tóku þátt í mótinu í dag, sem vinna við uppbyggingu kísilvers PCC Bakka Silikon á Húsavík.

Wypior Piotr og Mis Aleksandra. Ljósmynd Hermann Aðalsteinsson.

Hér má sjá lokastöðu mótsins í heild ásamt fleiri myndum.