Sæþór með enn eina þrennuna í sigri Völsungs á Sindra

Sæþór Olgeirsson í leik með Völsungi í sumar.

Sæþór Olgeirsson skoraði þrennu þegar Völsungur sigraði Sindra frá Hornafirði á Húsavíkurvelli sl. laugardag.

Strax á 6. mínútu leiksins fengu Völsungar vítaspyrnu og skoraði Sæþór úr henni. Bjarki Baldvinsson fyrirliði tvöfaldaði forystu heimamanna á 22. mínútu og Sæþór skoraði aftur úr vítaspyrnu á þeirri 39. Í lok fyrri hálfleiks fullkomnaði Sæþór svo þrennuna og staðan 4-0 þegar gengið var til leikhlés.

Gestirnir skoruðu síðan þrjú mörk í síðari hálfleik áður en Ásgeir Kristjánsson gulltryggði sigur Völsunga í uppbótartíma.

Hér má sjá stöðuna í 2. deild þegar tvær umferðir eru eftir en Völsungur situr í 5. sæti með 30 stig.

Sæþór er efstur á lista markaskorara með 20 mörk í 19 leikjum, þar af 10 úr vítum.

Völsungsstelpurnar léku síðasta leik sumarsins í 2. deildinn á sunnudag og voru andstæðingarnir lið Fjarðarbyggðar/Hattar/Leiknis.

Leikurinn fór fram á Húsavík og skemmst er frá því að segja að gestirnir fóru með sigur af hólmi. Skoruðu fjögur mörk gegn einu marki heimastúlkna en það gerði Hulda Ösp Ágústsdóttir.

Völsungur endaði í 5. sæti með 25 stig en níu lið tóku þátt í deildinni.

Hér má sjá lokastöðuna í 2. deild kvenna