Ólafur Jóhann með þrennu í stórsigri Völsungs

Ólafur Jóhann setti þrennu. Mynd úr safni.

Ólafur Jóhann Steingrímsson átti góðan leik með Völsungi í gær þegar hann skoraði þrennu gegn Fjarðarbyggð í Lengjubikarnum.

Leikið var á gervigrasvellinum á Húsavík og kom Ólafur Jóhann Völsungum á bragðið með marki eftir tæplega hálftíma leik.

Rafnar Máni Gunnarsson tvöfaldaði svo forystu heimamanna í lok fyrri hálfleiks.

Þegar rúmar 20 mínútur lifðu til leiksloka skoraði Ólafur Jóhann sitt annað mark og Bjarki Baldvinsson fyrirliði Völsungs bætti því fjórða við í lok venjulegs leiktíma.

Það var svo í uppbótartíma sem Ólafur Jóhann fullkomnaði þrennuna, þá fyrstu sem hann skorar með meistaraflokki í mótsleik.

Leikskýrslu má skoða hér

Völsungur er með fullt hús stiga á toppi 4. riðils B-deildar Lengjubikarsins eftir tvær umferðir en stöðuna má skoða hér

Ólafur Jóhann Bergmann Steingrímsson.

Rafnar Máni Gunnarsson.

Bjarki Baldvinsson.

Með því að smella á myndirnar má skoða þær í hærri upplausn.