Norðursigling tilnefnd til stærstu umhverfisverðlauna Evrópu

Norðursigling er fyrsta hvalaskoðunarfyrirtækið í heiminum sem býður upp á hvalaskoðunarsiglingar án þess að jarðefnaeldsneyti sé notað en fyrirtækið hefur, í samstarfi við fleiri aðila, þróað einstakan og umhverfisvænan rafbúnað sem knýr skonnortuna Opal.

„Þetta er svolítið eins og að vera tilnefndur til Óskarsverðlauna og að sama skapi vekur þetta athygli á Íslandi sem umhverfisvænum áfangastað.“

Taktu þátt í netkosningu

Netkosning er nú hafin um hver þeirra tíu aðila, sem tilnefndir eru í hverjum flokki, lendir í einu af efstu þremur sætunum en dómnefnd velur síðar sigurvegarann úr þeim hópi. Verðlaunin eru veitt í sextán flokkum og er Norðursigling tilnefnd í flokknum „Ferðalög“ (e.Travel).

„Við biðlum því til Íslendinga um að leggja okkur lið með því að taka þátt í netkosningunni sem er nú hafin,“ segir Guðbjartur Ellert.

Hér er hægt að taka þátt í netkosningunni og er öllum frjálst að taka þátt.

Vekur mikla athygli um allan heim

Nýsköpun Norðursiglingar þykir einstök og hefur vakið athygli víða um heim. Hlaut fyrirtækið nýverið silfurverðlaun World Responsible Tourism Awards 2015 á World Travel Market (WTM) í London sem er ein stærsta ferðasýning í heiminum. Þetta var jafnframt í fyrsta skiptið sem íslenskt fyrirtæki hefur verið tilnefnt til verðlaunanna.

Norðursigling hefur einnig hlotið verðlaun og viðurkenningar hérlendis en fyrirtækið hlaut Umhverfisverðlaun Ferðamálastofu í annað sinn nú í ár og var valið fyrirtæki ársins af ferðaþjónustuaðilum á Norðurlandi í haust. (nordursigling.is)