Ásgeir og Sigvaldi framlengja við Völsung

Sigvaldi og Ásgeir búnir að framlengja við Völsung

Ásgeir Kristjánsson og Sigvaldi Þór Einarsson hafa framlengt samninga sína við knattspyrnudeild Völsungs um tvö ár.

Báðir hafa þeir verið lykilmenn í liði Völsungs undanfarin ár.

Ásgeir er fæddur 1998 og uppalinn Völsungur. Hann lék sinn fyrsta leik fyrir meistaraflokk Völsungs í 2. deild karla sumarið 2014. Síðan þá eru leikirnir orðnir 54 í deild og bikar og mörkin 17 talsins. Ásgeir skrifaði undir tveggja ára framlengingu á samningi sínum við Völsung.

Sigvarldi Þór Einarsson er fæddur árið 1994 og er uppalinn Völsungur. Hann lék sinn fyrsta leik fyrir meistaraflokk Völsungs sumarið 2010. Síðan þá eru leikirnir orðnir 141 í deild og bikar og mörkin 3 talsins. Sigvaldi skrifaði undir tveggja ára framlengingu á samningi sínum við Völsung.

Á heimasíðu Völsungs segir að mikil ánægja sé hjá félaginu með undirskrift Ásgeirs og Sigvalda.