Arnar Pálmi, Gunnar Kjartan og Óskar framlengja við Völsung

Arnar Pálmi, Gunnar Kjartan og Óskar.

Þrír gegnumgrænir Völsungar skrifuðu undir nýja samninga við knattspyrnudeild á dög-unum, til tveggja ára.

Það eru þeir Arnar Pálmi Kristjánsson, Gunnar Kjartan Torfason og Óskar Ásgeirs-son.

Á fésbókarsíðu Græna Hersins segir:

Þrátt fyrir ungan aldur hefur Arnar Pálmi leikið yfir 100 leiki í öllum keppnum fyrir meistaraflokk Völsungs og skorað í þeim 9 mörk. Arnar hefur ekki misst úr mínútur og spilað alla deildar- og bikarleiki liðsins síðustu þrjú tímabil! Arnar var valinn knattspyrnumaður Völsungs árið 2022. Þvílíkur gæji!

Gunnar Kjartan Torfason á að baki 30 deildar- og bikarleiki með meistaraflokki og hefur hlutverk hans farið ört vaxandi síðustu misseri. Gunnar er að geirnegla sæti sitt og mikilvægi í þessu Völsungsliði og hefur gert það með prýði.

Óskar Ásgeirsson hóf aftur knattspyrnuiðkun í vetur eftir tímabundna geymslu skónna í hillunni eftir fótbrot. Óskar hefur komið eins og stormsveipur inn í liðið og ekki að sjá hann hafi tekið sér pásu. Hann á að baki 3 meistaraflokksleiki fyrir Völsung.

Við bindum miklar vonir við þessa öflugu ungu menn og erum gríðarlega ánægð með framlengingu samninga þeirra. Þeir eru fyrstir af vonandi mörgum sem kvitta undir nú á vordögum. ÁFRAM VÖLSUNGUR!!!!

 

 

Arnar Pálmi, Gunnar Kjartan og Óskar að lokinni undirskrift.

 

 

Arnar Pálmi, Gunnar Kjartan og Óskar ásamt þjálfurum liðsins, Alla Jóa og Bjarka Baldvins og Ármanni Gunnlaugssyni knattspyrnuráðsmanni.